النيل نجاشي
حليوه واسمر
عجب للونه
دهب ومرمر
أرغوله في إيده
يسبِّح لِسيده
حياة بلادنا
يارب زيده
قالت غرامي في فلوكه
وساعة نزهه ع الميه
لمحت ع البعد حمامه
رايحه على الميه وجايه
وقفت أنادى الفلايكي
تعال من فضلك خدنا
رد الفلايكي بصوت ملايكي
قال مرحبا بكم مرحبتين
دى ستنا وانت سِيدنا
هِيلا هوب هيلا
صلّح قلوعك ياريس
هيلا هوب هيلا
جات الفلوكه والملاح
ونزلنا وركبنا
حمامه بيضه بفرد جناح
تودّينا وتجيبنا
ودارت الألحان والراح
وسمعنا وشربنا
هيلا هوب هيلا